影評－那一天我們會飛

首先想講，我鍾意睇港產片多於外國片，一來我是香港人，二來如果自己人都唔支持，仲邊有人對呢個地方既野有歸屬感？

回正題
《那一天我們會飛》，其實當初無咩想睇既意慾，可能我對海報呢兩位主角印象麻麻，但始終係香港既休閒文青小品，點都要睇下既。因為睇前無做資料搜集，所以是零認知開始睇。戲名我會覺得係佢地2個角色一齊追逐共同夢想既故事，應該有愛情，有友情，有夢想的元素，應該幾好睇吧，但係.....

第一次睇完成套戲完全唔知講咩，個重點好似係太空漂咁，去到最後個幕我都唔知算唔算係完成夢想。３個主角青年時代既言語同生活方式都太多ＢＵＧ，呢Ｄ細位算，整體個幾鍾既戲，頭半拉得太長，節奏太慢。
香港要做自己既文藝小品，１個鐘多小小其實已經夠，你唔同人地台灣咁大，生活方式唔同，你唔可以跟人地個套去拍。點解５個小孩咁成功？因為人地５個小朋友咁多，均等５個既背景都要講，電影又唔可以太長，咁咪集中重點，唔拖泥帶水講重點，清楚易明，更能觸動人心。呢套３個主角，有講背景嗎？有，不過唔夠深入。中間部分好多可以ＣＵＴ走既情節，後部份共嗚感不足，高潮位不到，慘。

選角部分，年青時的各位演員都好好，蘇博文呢個角色更係我覺得最好個位，感受到你地既熱情同青春，大人部分，千嬅我諗只係因為５個小孩既人氣拖到呢度，林生我本身個人唔太鍾意佢，不便講太多，唯一講既係，佢地表現夫妻關係幾寫實同自然，但俾我既感覺好似佢地就分居咁。

最尾首歌，Ｄ人話好聽，ＳＯＲＲＹ，我真係唔識欣賞，曲，詞，唱，獨立睇其實無問題，曲ＯＫ，詞有意思，唱得好聽，但拼埋一齊好差，至少，要岩音吧。

總結：你要扮文青小品，無問題，ＢＵＴ放２個明星做海報引人入去睇，失敗也，你套戲講咩？青春？？夢想？？戲份同重點應該係年青的３位主角吧。有心做呢類電影就要有心連宣傳品都做得有味道Ｄ吧，又要香港電影出頭，又唔敢放出去做，失望，痛心。
其實套戲總有好既地方，時代轉換，剪接，取景都不差，全部演員都盡左佢地既本份。
如果要我俾分，呢套是不合格的。

（其實用年青的他們做主要既宣傳海報，效果一定唔會比而家用緊個個低）