反智朱奶

一到冬天，香港人鍾意既朱奶又會不停賣廣告，點解？因為冬天最幸福既事莫過於飲杯熱辣辣既飲品，朱古力更係首當其衝。但係廣告賣點年年都係叮熱，但係又唔可以成個放落微波爐叮，點解唔研發一種新既物料包裝係可以放落微波爐？香港唔係成日話要創新咩？

食評－ Goobne Chicken

話說對韓國野不嬲唔鍾意，因為我唔食辣，又唔鍾意食蘿白之類既野，而且又貴，不過炸雞就仲可以試下，每次去旺角都唔知食咩，咁岩經過瓊華，內人經常話呢間炸雞正，咁就試下啦。

聽聞假日＆食飯時候都要排好耐，好彩呢日平日唔洗點等位，幾分鍾就入得，正！

其實未食都知應該幾貴，睇左menu，嘩，真係貴，差唔多每樣野食都要百幾蚊，雞又係，蛋卷又係，麵食又食，飲品大約＄50－100，唔黎都黎左，就當食餐好啦，咁點左份蜜糖烤雞＆蛋卷再加杯特飲，因為呢間專食炸雞，所以食物種類唔算多，另外一提，入面大部分侍應都係韓國人(應該吧)，落單時因為我唔知我仲講中文...當個侍應講英文我先知，but ok既，手指指邊款，落單！

雞其實都幾好食，烤既關係所以仲好juicy，而且蜜糖味夠，雖然話係一隻雞，但係好似無咩肉咁，食親都係骨。

蛋卷都好食，夠豐厚，口感一流，因為入面有爽口既，有“趙”口既，加埋厚蛋軟淋淋，好味！！不過緊貴！！

最後杯野飲，普普通通啦，話哂個度既特色飲品，有酒精同無酒精簡，雖然簡左有酒精，but 佢好似俾錯左...都係個句，貴！！！ 差唔多成80蚊飲杯野...

總結：

味道： 4／5

價錢： 2／5

服務： 3／5

環境： 4／5

如果2個人其實食得辛苦，因為都係食雞，食完個胃頂下頂下...呢d炸雞都係一大班人食好，又可以食多幾款，又可以吹下水，同一大班人食都唔多睇價錢架啦，呢d咪岩哂。最後都要講多次d，d雞幾好食。

不怕神一樣的對手，只怕豬一樣的隊友

其實我覺得呢d問題係大公司出現機率更高，由其是女人。

一間公司留唔住員工，呢個因素我諗都佔一部分，當你要同一個無腦既同事合作，你講時事野，佢唔知，講以前，佢唔知，講點做，佢唔知，每日既工作就係應酬下個客，電話吹下水，諗埋d廢idea求求其其，出一個post 既文講到辛苦成年咁，日日就係度睇d泡菜劇講泡菜野，咩野gd好型，太陽好靚仔，屌，我係銀河呀！

大公司就係專養埋呢d人，養生好地方！